विश्वाच्या आरंभी | एकले ते शून्य |
केवल अनन्य | स्वयंपूर्ण ||
एकलेपणाचा | त्यास ये कंटाळा |
सोबत्यांचा मेळा | हवा वाटे ||
आदिकांक्षेतून | द्वैताचे जनन |
विश्व प्रसरण | पावू लागे ||
काळाचा प्रवाह | अनादि अनंत |
त्यास ना उसंत | कशाचीही ||
कार्य कारणाची | साखळी अनंत |
तोडी ज्ञानवंत | शून्यभोगी ||
द्वैताच्या कांक्षेचा | एकत्वी विलय |
त्यासी प्रत्यवाय | काही नाही ||
एकत्वाच्या भावी | स्थिरचित्त होणे |
शून्यत्वा नेणणे | सत्यमार्ग ||
कोणत्याही टिप्पण्या नाहीत:
टिप्पणी पोस्ट करा