अवचित यावे मेघ दाटुनी
अवचित काळोखी पसरावी
तशी मनावर कातरवेळी
अनिष्ट चाहुल व्यापुन यावी
यावे संचित फेर धरोनी
आणि त्यासवे करडे आठव
अशुभाचे संकेत दिसावे
भविष्य व्हावे अवघे धूसर
तेव्हा असल्या कातरवेळी
यमनाचा गंधार घुमावा
तीव्र मध्यमाच्या तेजाने
वर्तमान क्षण उजळुन यावा
दूरस्थातिल चिंता साऱ्या
विरून जाव्या एका क्षणभर
पल्याड जाउन भविष्याचिया
उमजुन जावे
मी तो अक्षर
कोणत्याही टिप्पण्या नाहीत:
टिप्पणी पोस्ट करा